Ku un relato bo por evaluá resultado, trabounan òf inisiativanan di un organisashon. Relatonan skibí ku ta demostrá e esfuersonan di bo organisashon, e sistema ku e organisashon a traha, e trabounan ku a resultá bon i e parti ku mester di mehorashon. Tantu organisashonnan ku empresa chikí i grandi ta kolekshoná diariamente un kantidat di data inmenso. E data ta kontené informashon importante i ta garantisá kontinuidat i kordinashon di bo servisio plùs otro trabounan. Tambe reportahe ta importante komo un análisis eksakto pa desishonnan korekto. Un bon reportahe mester ta formulá ku mas komprendibel posibel pa por duna un imágen total. E trabou di formulashon di relatonan ta tuma hopi tempu. Pa kuminsá mester kolektá tur data pa por interpretá nan den e konteksto korekto. Durante trabounan diario, hopi biaha gerensia su tempu ta limitá pa formulá relatonan i programa. Durante di un dia drùk ku tantísimo tareanan di finalisá, ta difísil pa kombiná esaki ku skibimentu. Ademas e turbulensia diario ta un opstákulo por krea un bon bista di e desaroyonan i plan pa término largu.