Balornan prinsipal
E resultado ta konta. Awor i riba término largu.
EMBOLBIMENTU
Prospekto ta stimulá otronan na un manera struktural i positivo, komo ku Prospekto ta pensa
huntu ku bo organisashon. Banda di esaki Prospekto ta servisial, ku atenshon pa deseonan i
nesesidat di e organisashon. Paso ta importante pa tene kuenta ku e background di otronan.
Nos ta para habri pa otro idea, ekspreshonnan i manera di funshoná.
KREATIVIDAT
Prospekto ta ofresé solushonnan relevante pa e organisashon ku posibilidatnan pa un sierto
problemátika òf manera nobo di traha. Nos ta usa kreatividat pa opservá e problema for di
diferente ángulo. Aki ta importante pa krea konekshonnan. Ku otro palabra, kreatividat ta krea
vishon nobo, kual ta e motor pa kresementu.
KU BISTA RIBA RESULTADO
Prospekto ta kalkulá lokual ta nesesario pa ehekutá un proyekto òf programa efektivo. Ta
importante pa tene bo mes na deadline i esei ta eksihí un bon planning. Ku metanan konkreto
stipulá e ta bira komprendibel pa tur hende kiko ta bai sosodé i e espektativanan pa ku otro.
5
Unabes ku tin klaridat den asuntunan prinsipal i lo de ménos, tur hende den organisashon ta
komprondé kiko ta importante i por sòru pa e mihó resultado den tempu kortiku.
Prospekto ta kumpli ku resultado palabrá i por semper yama nos atenshon riba esaki . Nos ta
konsiente di e impakto di nos trabou i nos ta konsiderá e trabou komo un reto pa aportá na un
manera signifikativo na éksito di nos klientenan i profeshonalnan.
KU BISTA RIBA SOLUSHON
Mundu ta yen di problema ku ta pidi pa un solushon. I meskos ta konta pa organisashonnan.
Mayoria biaha ta fásil pa konstatá ku tin un problema. Mas difísil ta e pregunta: kon ta solushoná e problemanan?
Promé ku buska e solushon mester hasi un análisis amplio di e problema mes. Unabes bo
komprondé e relashon entre e kousa ku konsekuensia, bo por kompará e diferente solushonnan ku otro. Asina bo por yega na un desishon bon studiá pa yega na e solushon mas adekuá. Ta trata pasonan chikitu, pero unabes ku tin un komienso e ta bira mas fásil pa yega mas i mas serka di e solushon.